کشمیر سے کرپشن کا خاتمہ کردونگا ۔مودی

حیدرآباد۔22نومبر(اعتماد نیوز)
 وزیراعظم نریندر مودی نے کہاہے کہ کشمیر کو پاکستان کی نہیں ترقیاتی کام کی ضرورت ہے۔مقبوضہ کشمیرمیں انتخابی ریلی سے خطاب کرتے ہوئے وزیر اعظم کا کہنا تھا کہ کشمیرکو ترقیاتی کاموں کی سخت ضرورت ہے، یہاں کرپشن ختم کر دوں گا۔اسمبلی انتخابات سے پہلے انتخابی مہم میں حصہ لینے کے لئے وزیر اعظم جموں کشمیر کے ضلع کشتوار پہنچے۔خطاب کے دوران انہوں نے سیلاب سے متاثرہ کشمیریوں کو دلاسہ دیا کہ وہ یہاں ان کے آنسو پونچھنے



آئے ہیں۔نریندر مودی کا کہنا تھا کہ کشمیر میں عرصے سے دو خاندان ہی حکومت کرتے آئے ہیں وہ اس کرپشن کا خاتمہ کر دیں گے ،کشمیری نوجوانوں کو روزگار اور ترقی کے بہتر مواقع کی ضرورت ہے۔انہوں نے کہا کہ مذہب کو سیاست جوڑنے کی ضرورت نہیں،کشمیری صرف کشمیری ہے۔خطاب کے دوران نریندر مودی نے گجرات میں کئے گئے ترقیاتی کاموں کی مثالیں بھی پیش کیں،کشمیر میں اسمبلی انتخابات کے لئے پولنگ 25 نومبر سے شروع ہو کے 20 دسمبر تک جاری رہے گی،نتائج کا اعلان 23 دسمبر کو کیا جائے گا۔